購物天堂曼谷，除咗多不勝數嘅夜市之外，更有剛剛開幕的ICONSIAM大型購物商場。加上泰國一年四季氣溫怡人，如果你想一個多姿多采嘅夏日聖誕節，曼谷就最適合不過！

台北嘅夜市美食啱曬一眾香港人口味，仲有最近大熱嘅台式珍珠奶茶，適合鍾意吃喝玩樂嘅你！聖誕期間更有一連串慶祝活動，如多年歷史嘅「吉慶聖誕巷」及星光閃閃嘅「新北耶誕城」。一於去台北過一個「豐盛」嘅聖誕！

首爾一向都係香港女士們熱愛嘅旅遊地點，韓國美食、藥妝、時裝一應俱全！市內亦有不少大型嘅聖誕慶祝活動，如最具代表性嘅聖誕慶祝場地「市廳廣場」，雪地下暢遊明洞及東大門，過一個難忘的白色聖誕。

東京乃潮人、美食集中地，亦係香港人常去嘅旅遊地點之一。東京嘅白色聖誕，配合一系列點燈活動，如「六本木之森聖誕點燈」及「東京晴空塔 DREAM CHRISTMAS」。如果你要過一個浪漫聖誕，東京實可以滿足到你。